Ungur spælari at hava eyguni eftir: Malena Olsen

Malena Olsen fekk sín fyrsta dyst í Betrideildini sum bara 15 ára gomul, og hon er ímillum tekniskt dugnaligastu ungu leikararnar deildini. – Hon er so tekniskt væl fyri, at hon kann koma á A-landsliðið, heldur KÍ-veteranurin Rannvá Andreasen um talentið Malenu Olsen.

Kviki vongleikarin hevur lagt trý mál eftir seg í Betrideildini í ár, og so er hon eisini eyðsýnd á einum góðum U19-árgangi í landsliðshøpi. Malena blandaði seg skjótt uppí hjá teimum vaksnu, og longu sum 15 ára gomul fekk hon sín fyrsta dyst á besta liðnum. Hetta var fyrsti dystur í kappingarárinum í fjør ímóti ÍF/Víkingi/B68. – Eg minnist, at eg var sera nervøs, lítir Malena aftur á.